Хәажәкыра 25–26 Қырҭтәыла имҩаҧысуеит   “Интерпол” амаӡаныҟәгара хада апроект MILLENIUM есышықәсатәи аконференциа.

Аусмҩаҧгатә ааиртит Қырҭтәыла адәныҟатәи аусқәа рминситр актәи ихаҭыҧуаҩ  Рони Месхи, иара 25 ҳәынҭқаррақәа рҟынтә иааиз  60-ҩык раҟара аделегатцәа рҿаҧхьа дықәгылеит.

Адәныҟатәи аусқәа рминистрра аинформациа ишану ала, Рони Месхи  аатрансмилаҭтә ацәгьаура аҿагыларазы жәларбжьаратәи аусеицура иамоу аҵакы далацәажәан, иаҵшьны иазгәеиҭеит Қырҭтәылеи  «Интерполи» акыршықәса ирылагӡаны қәҿиарала аус шеицыруа.

 Апроект MILLENIUM есышықәсатәи аконференциа иалахәын Америкеи,  Австриеи, Азербаиџьани,  Бельгиеи, Болгариеи, Чехиеи,  Естониеи, Финлиандиеи, Германтәылеи,  Польшеи, Израили, Италиеи, Шәамахьтәылеи,  Казахстани, Франциеи, Нидерланди, егьырҭ атәылақәеи рҟынтә 60-ҩык раҟара аделегатцәа. 

“Интерпол” амаӡаныҟәгара хада апроект MILLENIUM атрансмилаҭтә еиҿкаау ацәгьаура аҿагылара иазкуп.