«Қырҭтәыла ашәахтә закәанеидкыла» аҧсахрақәа алагалоуп. Азакәанпроект иахәаҧшуеит афинанс-биуџьеттә комитетаҿ. Аилыркааратә шәҟәы ишану ала, Қырҭтәыла ахәмарратә бизнеси аҭаҭынлыхи ирыдҳәалоу зҵаарақәак аҭыҧ иқәҵатәуп.

Адокумент ишану ала, онлаин-гемблинг  азы алицензиа змоу аилахәырақәа ахашәалазы иршәоз ашәахтә азҳауеит  15%  аҟынтә  20%-нӡа.

Иара убас, аҭаҭынлыхқәак ракциз ахә ацлоит. Лымкаала, аҭаҭын пачкак азы акциз ахә азҳауеит  1,70  аҟынтә  1,90 лари аҟынӡа.

Азакәанпроект иацу аилыркааратә шәҟәы ишану ала, зыӡбахәы ҳәоу аҧсахрақәа рыбзоурала, ахәмарратә бизнес аҟынтә аҳәынҭқарратә биуџьет иацҵаны 115 миллион лари аиуеит. Аҭаҭынлых азы акцизтә ашәахтә аизырҳара абзоурала, атәыла ахазына хада иацҵаны иаиуеит  77 миллион лари.