Қырҭтәыла Актәи аканал  ицәырнагеит «Моамбе» аҭыжьымҭақәа зегьы рҿы  излацәажәо асубиектқәа ирызку астатистика, уи еиқәыршәоуп аҩныҵҟатәи амониторинг ашьаҭала.

Амониторинг инақәыршәаны, ҳазну ашықәс аҩбатәи аквартал азы «Моамбе» аҿы ирылацәажәеит 9 948 асубиектқәа. Амониторинг адыррақәа рҿы иарбоуп асубиект цыҧхьаӡа шаҟантә  «Моамбе» ареспондентс дыҟаз.

Зыӡбахәы ҳәоу аамҭа иалагӡаны  «Моамбе» аҿы зегьы раасҭа хшыҩзышьҭра изун Владимир Зеленски  — 349. Аҩбатәи аҭыҧаҿ дгылоуп апартиа  «Аҕмашенебели истратегиа» иалахәы, адепутат Паата Манџьҕалаӡе  — 225.  Ахҧатәи  аҭыҧаҿы  — афракциа  «Ақырҭуа гәахәтәы» адепутат  Михаил Сарџьвелаӡе  — 158.

Қырҭтәыла Ауаажәларратә дырраҭара, аҳасабырбара зыҧхықәу АИХ ҳасабала, 2019 шықәса инаркны аҩныҵҟатәи амониторинг асистема амоуп, уи азыҳәан апрограмма ҷыда иҩын.  Еиуеиҧшым аплатформақәа рҿы аларҵәара змоу аинформациа амониторинг апрограммаҿы иарбоуп 13 ахадаратә хырхарҭақәа.  Арҭ адыррақәа еиҧҟьарада идырҿыцуеит.