Қарҭтәи ақлақьтә аӡбарҭаҿ анаркореализаторцәа трансмилаҭтә еиҿкаау ацәгьоура ахара зқәырҵо ахаҿқәа рпроцесс мҩаԥысуеит.

Аӡбаҩ Ҭамар Мҷедлишвили апрокуратура азыҳәара шьаҭас аҭаны иаанкылоу хҩыки зыԥшаара иаҿу хҩык ахаҿқәеи аҭакра рықәҵара аус дахәаԥшуеит.

Апрокурор Шмаги Гобеџьишвили иҟаиҵаз аҳәамҭала, зыԥшаара иаҿу ахаҿқәа Қырҭтәылеи, Болгариеи, Ҭырқәтәылеи ртәылауаа роуп.

Иаанкылоу хҩык ацәгьоуцәа рҟынтә ҩыџьа Манучар Зоиӡеи Аслан Ԥуҭкараӡеи роуп, урҭ Аҷара аус руан. Ахԥатәи ацәгьоуҩы Меҳмед Чиҭлақ Ҭыртәыла атәылауаҩ иоуп. Урҭ анаркотикатә маҭәашьар рацәаны алегализациеи изакәаным ахашәала алегализациеи ирхарадырҵоит, ари азы иазыԥхьагәаҭоуп 20 шықәсанӡа ма ԥсраҽнынӡатәи аҭакра.

Апрокуратура аҳәамҭала, атрансмилаҭтә еиҿкаау ацәгьоуразы аусԥшаара аҵыхәтәантәи хышықәса нагӡоит, иҭаркхьеит 22-ҩык.

Қырҭтәыла Аҩнуҵҟатәи аусқәа рминистрреи Қырҭтәыла Апрокуратура хадеи анаркореализаторцәа трансмилаҭтә еиҿкаау ацәгьоуреи ацәгьоуцә ргәыԥ алидерцәеи аадырԥшит.