Қарҭ ақалақьтә аӡбарҭаҿы Урыстәыла атәылауаа Анастасиа  Зиновкинеи Артиом Грибули русӡбаратә процесс мҩаҧысуеит. Арҭ ауаа анаркотикатә маҭәашьарқәа рацәаны раахәареи рышьҭаҵареи рхарарҵоит.

Иашьашәалоу амаҵзура аӡбарала, ашәарҭадара аиқәыршәара амзызла, хаҵеи-ҧҳәыси хаз-хазы иҭаркит, дара уи амшала апротест ҟарҵеит.

Зыӡбахәы ҳәоу ауааҧсыра ирыду ахара иазхарҵом, дара ишырҳәаз ала, уажәааны Қарҭ имҩаҧысуаз апротестқәа рылахәызара амшала иҭаркит.

Анастасиа Зиновкинеи  Артиом Грибули Қарҭ иаанкылан  2024 шықәса ҧхынҷкәын азы.

Апрокуратура адыррала, арҭ ауаа иахьынхо аҭыҧ аимдараан азинхьчаҩцәа аадырҧшит  16 грамм анаркотикатә маҭәашьар  «Альфа Пе Ве Пе».  Хаҵеи-ҧҳәыси Қарҭ инхоит  2024 шықәса аҧхынра инаркны.

Урыстәыла атәылауаа ирыду ахаразы иазҧхьагәаҭоуп  20 шықәса ма аҧсранӡа аҭакра.

Адукатцәа рҳәамҭала, Анастасиа Зиновкина  2012 шықәса инаркны Урыстәыа  аиҳабыра рыҿагыларатә апротесттә акциақәа активла дрылахәын,  Артиом  Грибуль  IT аусхкы аҿы аус иуан.