Евроеидгыла Амшын Еиқәа аҵантә акабель апроект адгылоит, ари идуӡӡоу аинвестициоуп, афымцалашара ааглыхра аԥсахуеит, иара убас Аахыҵ Кавкази евроеидгылеи рыбжьара афымцалашара аҭара апроцесс ԥсаххоит, – иҳәеит Қырҭтәыла иҟоу Евроеидгыла ацҳаражәҳәаҩ Павел Ҳерчински Амшын Еиқәа аҵантәи акабель апроект иазкны Қырҭтәылеи, Азербаиџьани, Румыниеи, Венгриеи ԥшьганкалатәи аиԥылараҿ.

Қырҭтәылеи, Азербаиџьани, Шәамахьтәылеи, Венгриеи реиҳабырақәа зранг ҳараку ахаҭарнакцәа иалахәыз, Қарҭ имҩаԥгаз аиԥылараҿ дықәгылеит Қырҭтәыла вице-аԥыза, Аекономика аминистр Леван Давиҭашвили.

Ауснагӡатә рхы аладырхәит Венгриа адәныҟатәи аусқәеи ахәаахәҭреи рзы аминистр Питер Сииарто, Азербаиџьан ирҿыцу аенергиазы агентра адиректор Џьавид Абдуллаев, Румыниа Аенергетика аминистрра аҳәынҭмаӡаныҟәгаҩ Џьорџь Никулеско.

„Амшын Еиқәа аҵантәи апроект зҵак дуу проектуп, уи, ганкахаьла, Қырҭтәылеи Азербаиџьани еимнадоит, даҽаганкахьала, Венгриеи Румыниеи. Евроеидгыла Амшын Еиқәа аҵантә акабель апроект адгылоит, ари идуӡӡоу аинвестициоуп, афымцалашара ааглыхра аԥсахуеит, иара убас Аахыҵ Кавкази евроеидгылеи рыбжьара афымцалашара аҭара апроцесс ԥсаххоит“, – иҳәеит Евреоидгыла ацҳаражәҳәаҩ.

2022 шықәса ҧхынҷкәын 17 рзы, Қырҭтәылеи,  Азербаиџьани, Румынтәылеи, Венгриеи рпаны аҵарҩит Амшын еиқәа ала афымца амҩангаразы  аӡаҵантәи акабель ашьҭаҵара иазку апроект.