ОБСЕ амониторингтә миссиа анапхгаҩы Паскаль Ализар, ари аиҿкаара Апарламенттә ассамблеиа ахьӡала, Қырҭтәыла адәныҟатәи аусқәа рминистр Мака Боҷоришвили ашәҟәы лзааишьҭит, уи аҿы наҟ-наҟтәи аусеицура далацәажәоит.

Ализар ишазгәеиҭаз ала, жьҭаара  26 рзы имҩаҧгаз алхрақәа раан алхыҩцәа алхра аҟаҵаразы алшара ду рыман, атехникатә ганахьала апроцесс ибзианы еиҿкаан.

Иара убас, ашәҟәы аҟны ишазгәаҭоу ала,  ОБСЕ агәаанагара аҵакы ду амоуп, избанзар, Қырҭтәыла аполитикатә процессқәа инагӡоит, ари атәыла адемократиатә институтқәа рырҕәҕәара ахырхарҭала аус ауеит.

«Ҳара иҟаҳҵаз аихшьаалақәа ауаажәларратә агәрагареи адемократиатә стандартқәеи рырыҕәҕәаразы аҵакы ду рымоуп. Сара агәра ганы сыҟоуп Қырҭтәыла аиҳабыреи апарламенти ҳабжьагарақәа хшыҩзышьҭра шырзыруа, уи ареформақәа рынагӡареи атәыла зехьынџьара ауаажәларратә агәрагара аизырҳареи иацхраауеит», — иануп ашәҟәы аҟны.

Ализар  аминистри лколлегацәеи рахь ааҧхьара ҟаиҵоит апарламентаҿ заанаҵтәи аҳасабырба цқьа иҭҵааны, аҵыхәтәантәи аҳасабырба ашьҭахь Адемократиатә институтқәеи ауаҩы изинқәеи рзы абиуро аус ацырурц.

«ОБСЕ Апарламенттә ассамблеиа абарҭ азҵаарақәа рыӡбараҿы Қырҭтәыла ацхраара иазыхиоуп.  Ҳара иаҳзеиҧшу ахықәкы ҳамоуп  — адемократиатә напхгараҭареи азакәан аиҳаӡареи рырҕәҕәареи, аинститутқәа рҿиареи, аинклиузивреи, аартызаареи, ахадаратә хақәиҭрақәа пату рықәҵареи ашьаҭала иахәҭоу алагылазаара аиқәыршәареи аҿы шәтәыла ҳацхраар ҳҭахуп», — иануп Паскаль Ализар ишәҟәы аҟны.