Аклиника “Ниу Ҳоспиталь” аҿы ишаарыцҳаз ала, Леқсо Лашкарава аҩныҟа доурыжьҭаанӡа иахәҭаз аҭҵаарақәа зегьы изымҩаҧган.

Аклиника адиректор ишиҳәаз ала, аҧсра афакт ҭырҵаауеит ахылаҧшратә орган аҿы.

«Апациент ҳара ҳҿы иҽихәышәтәуан рашәара  5 инаркны  8-нӡа, даноуҳажьҭуаз хар имамкәа дыҟан, иаҭахыз аҭҵаарақәеи аманипулиациақәеи изымҩаҧган. Ахылаҧшратә орган абри афакт аҭҵаара иаҿуп, ҳара аус рыцаауеит. Егьирахь, атеориақәа зегьы рылацәажәара ҟалоит аекспертиза алҵшәақәа анҳаулак», — иҳәеит Гьаргь Рамишвили.

Рашәара 5 рзы иҟалаз ахҭысқәа раан цәгьала ирпҟаз ателееилахәыра «Пирвели» аҭыхҩы Леқсо Лашкарава иахьа шьыжьымҭан дыҧсит.

Иҧсра зыхҟьаз макьана еилкаам.

Леқсо Лашкарава  мышқәак ахәышәтәырҭа дҭан,  нас,  аҩныҟа доурыжьҭит.

Ателеҭыхҩы иҧсра афакт азы аусеилыргара иалагахьеит.