Иреиҳаӡоу аӡбарҭеи Аиустициа Иреиҳаӡоу ахеилаки ахантәаҩы  Нино Қадагиӡе лҳәамҭала, лара Келли Дегнан лҟны иаркыз аиҧылара мҩаҧылгеит.

Қадагиӡе лҳәамҭала, ақырҭуа аган Американтә иаҳәоит ақырҭуа аӡбаҩцәа асанкциақәа рзышьақәыргылара иадҳәаланы ашаҳаҭгақәа цәырыргарц.

«Аӡбарҭа иазықәдыргылар иҟало ахарадҵарақәа  рҟынтә зегьы иреицәоуп   акоррупциатә ацәгьаура. Убри аҟынтә, сара иазгәасҭар сҭахуп иакымкәа аиҧыларақәа мҩаҧганы, ашаҳаҭгақәа цәырыргарц сышрыҳәаз. Дара абас аҭак ҟарҵеит  – ари аинформациа аартуп, уи зегьы ирбар рылшоит. Изакәытә информациоу шәызлацәажәо сашәҳәар, сшықәшаҳаҭхоит, убасҟан ҳхы ҳахьчароуп. Аха, иарбанызаалак етапаан, дарбанызаалак иҟынтә ҳхы ҳахьчаратәы  аҭагылазаашьа ҳамам.  Ахәашазы сара Келли сылҧылеит, ҳаиҧылара ашәқәа ркны имҩаҧган», — илҳәеит  Нино Қадагиӡе.