Николоз Самхараӡе ОБСЕ Апарламенттә Ассамблеиа есышықәсатәи аилатәараҿы ампыҵахалара иахылҿиааз ашәарҭарақәа дрылацәажәеит
Жәларбжьаратәи аизыҟазаашьақәа рзы акомитет ахантәаҩы, ОБСЕ Апарламенттә Ассамблеиа аҟны иҟоу Қырҭтәылатәи аделегациа анапхгаҩы Николоз Самхараӡе Бухарест имҩаԥысуа ОБСЕ Апарламенттә Ассамблеиа есышықәсатәи 31-тәи аилатәара ихы алаирхәуеит.
Қырҭтәыла Апарламент апресс-маҵзура излаанацҳауа ала, Самхараӡе ОБСЕ Апарламенттә Ассамблеиа аполитикатә аусқәеи ашәарҭадареи рзы акомитетаҿ дықәгылеит. Уи иқәгылараан ашәарҭадара аганахьала Қырҭтәыла иҟоу аҭагылазаашьеи ауадаҩрақәеи дрылацәажәеит.
Акомитет ахантәаҩы иҳәамҭала, атәыла аҵакырадгьыл 20% иахьагьы Урыстәыла иааннакылоит, 300 нызқьҩык рҟынӡа ауааԥсыра ахҵәараҿы иҟоуп.
«Женеватәи жәларбжьаратәи аиҿцәажәарақәа рформат мҩаҧысуеижьҭеи акыр шықәса ҵуеит, аха аимак макьана аҭыҧ иқәҵам», – иҳәеит Самхараӡе.
Иажәа ахыркәшамҭаз Жәларбжьаратәи аизыҟазаашьақәа рзы акомитет ахантәаҩы жәларбжьаратәи уаажәларра рахь ааҧхьара ҟаиҵеит ари азҵаара аҭыҧқәҵаразы иаҳа активла иахәҭоу ашьаҿақәа ҟарҵарц.