«Амилаҭтә ҵысра» ахантәаҩы Ника Мелиа асоциалтә аҳаҿы NDI аҭҵаарақәа рылҵшәақәа дрыхцәажәеит. .

Иара иажәақәа рыла, астратегиатә коммуникациа ишеибгоу иҧсахтәуп.

«NDI ицәырнагаз аҵыхәтәантәи аҭҵарақәа рылҵшәақәа срыхцәажәар сҭахуп. Аполитикатә реитингқәа рыхәҭак рылацәажәара ҟалом, избанзар ауаа рацәа  (58% ) аҭакҟаҵаразы мап ркит.  Атехникатәи аметодологиатәи зҵаарақәа рылацәажәара иахәҭам ҳәа сгәы иаанагоит, избанзар, ауааҧсыра реиҳара, ишәаны,  аҭелла рхатә политикатә хәаҧшырақәа рылацәажәара рҭахым, аха, алхрақәа цыҧхьаӡа ишьақәдырҕәҕәоит  «Амилаҭтә ҵысра» ареитинг шазҳауа.

Ҳәарада,  алхрақәа рҿы  «Амилаҭтә ҵысра» иаҳа еиҕьу алҵшәа роур сҭахын, аха, атәылаҿы ареалтә аиҭакрақәа ҟаларцаз, ауаа ирҭаху цқьа еилаҳкаароуп. Атәыла ауааҧсыра, рполитикатә хәаҧшырақәа ирхьыҧшымкәа,  еиҧшны изызныҟәо азҵаарақәа иҟоуп: анапхгаратә гәыҧ рзгьы аоппозициа рзгьы аҕарреи аекономикатә зҵаарақәеи  ахадаратә ҵакы рымоуп. Иара убас, рполитикатә хәыҧшырақәа ирхьыҧшымкәа, ауааҧсыра зегьы ргәы ишаанаго ала, атәыла анапхгара роума, аоппозициаа роума, аӡәгьы ауаа ринтересқәа иазҧхьагәеиҭом.

Ауааҧсыра реиҳара  (80%) апартиақәа аус еицырур рҭахуп. Жәакала иуҳәозар, абарҭ азҵаарақәа роуп аоппозициаҿы иҟоу апроблемақәеи ҳпартиа астратегиеи  ҳәаақәызҵо.  Ҳара, алхрақәа раҧхьа мацара акәымкәа, еснагь ауааҧсыра рҟны аимадара ҳамазароуп. Ҳпартиа аинтересқәа мацара ракәымкәа, ауааҧсыра ринтересқәа иаҳа ҳзырхәыцыр  —  ҳхықәкы наҳагӡоит. Ауаа ргәазыҳәара ииашаны еилкаатәуп. Астратегиатә аимадара ишеибгоу иҧсахтәуп», — иҳәеит Ника Мелиа.

Уажәааны  NDI ицәырнагаз аҵыхәтәантәи аҭҵаарақәа рылҵшәақәа инрықәыршәаны, 41% ауааҧсыра иарбанызаалак партиак иадгылом,  24%  «Ақырҭуа гәахәтәы» иазыразуп,  9% — «Иаку амилаҭтә ҵысра».