Молдоватәи ареспублика Аҧыза-министр Аурелиу Чокои Қырҭтәыла Аҧыза-министр Иракли Ҕарибашвили Қырҭтәыла ахьыҧшымра амш идиныҳәалеит.

Аурелиу Чокои идныҳәаларатә шәҟәы аҟны ишазгәаҭоу ала, Молдовеи Қырҭтәылеи аиҩызаратә еизыҟазаашьақәа рыбжьоуп. Молдова аиҳабыра рнапхгаҩы даҽазнык ишьақәирҕәҕәеит ҩ-ганктәи аусхәаҧштә аҿы актуалтә ҵакы змоу азҵаарақәа рзы Қырҭтәыла аиҳабыра рҟны аусеицура арҭбаара дшазыхиоу.

„Шәаҳаракыра, акыр исзыҧсоу сҩыза! Гәыкала ишәыдысныҳәалоит Қырҭтәыла ахьыҧшымра амш, бзиарс иҟоу зегьы шәзеиҕьасшьоит!

Иахьа исымоу алшара схы иархәаны, иаҵшьны иазгәасҭар сҭахуп ҳтәылақәа атрадициатә аиҩызаратә еизыҟазаашьақәа шрыбжьоу. Даҽазнык ишәзышьақәсырҕәҕәар сҭахуп ҩ-ганктәи аусхәаҧштә аҿы актуалтә ҵакы змоу азҵаарақәа рзы Қырҭтәыла аиҳабыра рҟны аусеицура арҭбаара сшазыхиоу.

Агәра ганы сыҟоуп евроинтеграциа ахырхарҭала ҳтәылақәа хықәкыла имҩаҧырго аусура абзоурала, еиуеиҧшым аусхкқәа рҿы аусеицура арҭбаара шҳалшо.

Шәареи ақырҭуа жәлари аҭынчреи мышхәыбзазареи шәзеиҕьасшьоит,”- иануп Молдоватәи ареспублика Аҧыза-министр ишәҟәы аҟны.