Аибашьраҿ аиааира згаз ҳәа аӡәгьы дыҟам, иаҵахаз аҭынч тәылауаа роуп, – иҳәеит Ҭырқәтәыла Адәныҟатәи аусқәа рминистр Мевлуд Чавушоӷлу Дмитри Кулебеи Сергеи Лаврови реиԥылара ашьҭахь.

Савушоӷлу иажәақәа рыла, аиԥылараҿ Ҭырқәтәыла идҵаны иқәнаргылеит Украина агуманитартә корридор аартра азҵаара.

Ҭырқәтәыла Адәныҟатәи аусқәа рминистр ишааицҳаз, хганкалатәи аиԥылараҿ ирыхәаԥшит Урыстәыла ахада Владимир Путини Украина ахада Владимир Зеленскии реиԥылара.

“Алидерцәа реиԥылара амш аусхәаԥштә иалан. Украинатәи аган, Зелеснки аиԥылара иазыхиоуп. Лаврови Путини ари иаҿагылам. Урыстәылеи Украинеи рыбжьара аиҿцәажәара аелементқәа рацәаны амоуп, урҭ иреиуоуп анеитралитет. Иахцәажәеит аҭынчратә аиқәшаҳаҭра абжьаҵара азҵаара,” – иҳәеит Чавушоӷлу.