Ҭырқәтәыла Адәныҟатәи аусқәа рминистр Мевлуд Чавушоӷлу  ишааицҳаз, ақырҭуа иколлега Илиа Дарчиашвили иҟны аиԥылараҿ атәылақәа рзы актуалра змоу азҵаарақәа ирыхәаԥшит.

Чавушоӷлу иажәақәа рыла, астратегиатәи аиҩызаратәи еизыҟазаашьақәа рыда, ирыхәаԥшит аекономикатә усеицура азҵаарақәа.

«Қырҭтәылеи Ҭырқәтәылеи ирыбжьоу астратегиатәи аиҩызаратәи еизыҟазаашьақәа ҳрыхәаԥшит, иара убас ҳахцәажәеит ҳаизыҟазаашьақәа рҿы аҵак ҷыда змоу азҵаарақәа – аекономикатә усеицура азҵаарақәа.

Қырҭтәыла-Ҭырқәтәылатәи аекономикатә аизыҟазаашьақәа Қырҭтәылазы ихырҳагахар азы иҳалшо зегь ҟаҳҵароуп. Ари ахырхарҭала ҳусеицура иаҳа иактивхароуп”,  – иҳәеит Ҭырқәтәыла Адәныҟатәи аусқәа рминистр Мевлуд Чавушоӷлу ақырҭуа иколлега Илиа Дарчиашвили иҟны аиԥылара ашьҭахь имҩаԥгаз апрессконференциа аҿы.