Кнессет аспикер Амир Охана Қырҭтәыла иофициалтә визит иалагеит

Израильтәи аҳәынҭқарра Кнессет аспикер  Амир Охана Қырҭтәыла иофициалтә визит иалагеит.  Қарҭтәи жәларбжьаратәи аҳаирбаҕәазаҿ иара диҧылеит Қырҭтәыла аҵареи аҵарадырреи рзы апарламенттә комитет ахантәаҩы, Қырҭтәыла апарламентаҿ иҟоу Қырҭтәылеи Израили реиҩызаратә гәыҧ анапхгаҩы Гиви Миқанаӡе.

Цәыббра 4 рзы Кнессет аспикер Қырҭтәыла азакәанҧҵаратәи анагӡаратәи мчра ахаҭарнакцәа дырҧылоит.

Қырҭтәыла апарламент ахантәаҩы Шьалуа Папуашвили   Амир Охана дидикылоит азакәанҧҵаратә орган аҿы. Анеҩс, дара апрессазы аҳәамҭақәа ҟарҵоит.

Иара убас, Амир Охана, Қырҭтәыла аҧыза-министр  Иракли Ҕарибашвилии, адәныҟатәи аусқәа рминистр Илиа Дарчиашвилии, Иреиҳаӡоу аӡбарҭа ахантәаҩы Нино Қадагиӡеи дырҧылоит.

Авизит аҳәаақәа ирҭагӡаны,  Амир Охана Қырҭтәыла аҵакырадгьылтә акзаара зхы ақәызҵаз афырхацәа рмемориалаҿ ашәҭқәа шьҭеиҵоит, Ақырҭуа ауриацәа рҭоурыхи ақырҭуа-ауриатә еизыҟазаашьақәеи рмузеи даҭаауеит.