«Ақырҭуа жәлар ирҭаху изныкымкәа ирҳәахьеит, уи    — Евроеидгыла алалареи, Мраҭашәараҟны аинтеграциеи, адемократиатә аҧеиҧши ауп.  Уи азы иаҭаху адемократиатә институтқәа рыргылараҿы апрогресс шәымоуп», — илҳәеит Қырҭтәыла иҟоу Америка ацҳаражәҳәаҩ  Келли Дегнан.

Келли Дегнан лҳәамҭала, уажәы аусура зегьы Еврокомиссиа абжьагарақәа рынагӡара иазкызароуп.

«Акомиссиа алахәылацәа  еилыккаа  ирҳәеит абжьагарақәа зегьы шьаҭанкыла, инклиузивла ианынашәыгӡалак, Қырҭтәыла акандидат астатус шаиуа.  Аамҭа шәцәыӡыр ҟалом.  Еиуеиҧшым аоппозициатә партиақәеи,  «Ақырҭуа гәахәтәи», атәылауаҩратә уаажәларреи ажәалагала бзиақәа ҟарҵеит, уажәшьҭа аусура алагара иаамҭоуп.   22 аиҿкаарақәа еидтәыланы, аконкреттә план еиқәдыршәеит. Иҟаҵатәу жәдыруеит, Қырҭтәыла анапхгареи ауаажәларреи изныкымкәа уи иалацәажәахьеит. Ақырҭуа лидерцәа ареформақәа реиҳара ирықәшаҳаҭуп.  Қырҭтәыла акандидат астатус аиурц азыҳәан 12 пунктқәа рынагӡаразы  аусура алагара иаамҭоуп, ажәала акәымкәа, аконкреттә шьаҿақәа рыла. Ари астатус абра иҟоуп, уи шәара ишәзыҧшуп, аха, шәара шәус ҟашәҵароуп», — илҳәеит  Келли Дегнан.