Саудтәи Аравиа аофициалтә хаҭарнак иҳәамҭала, Персиатәи аӡыбжьахалаҿ иҟоу х-ҳәынҭқаррак адипломатиатә хархәагақәа зегьы рхы иадырхәит Трамп Иран абомбалажьра шахәҭам агәра идыргарцаз.

 «Персиатәи аӡыбжьахала атәылақәа ирылшоз зегьы ҟарҵеит арегионаҿ зхылаҧшра ҟамло аҭагылазаашьа аҽацәыхьчаразы. Ҳара Вашингтон ираҳҳәеит Иран иаахар, ари ажәылара арегионаҿ акрызҵазкәа алҵшәақәа шахылҵуа. Арегионаҿ абомба ҿыцқәа цәырымҵырц азыҳәан шаанӡа лацәаихьшьк ҟаҳамҵеит… Ишьақәгылаз агәреибагара арҕәҕәаразы аимадара инагӡоит», — иҳәеит Саудтәи Аравиа ахаҭарнак.

Иара убас, ишеилкаахаз ала, Катар иҟоу  Аль-Удеид  америкатә авиабазаҿ  ажьырныҳәа 14 рзы ирылаҳәаз ашәарҭара ду арежим ирҧсыҽын. Абаза  Аль-Удеид  иҭыҵыз америкатә ҳаирпланқәа хәыҷы-хәыҷла шьҭахьҟа идырхынҳәуеит.