Анаклиатәи иҵоулоу абаӷәаза ацәқәырԥаԥҟагақәа рмодель алабораториатә гәаҭара апроцесс  аконсорциум Jan De Nul NV ахаҭарнак ихылаԥшра аҵаҟа мҩаԥган, – аанацҳаит Қырҭтәыла Аекономика аминистрра.

Аусҳәарҭа аинформациа ала, Даниа аҳҭнықалақь Копенагген имҩаԥгаз ауснагӡатә рхы аладырхәит Jan De Nul NV Қырҭтәыла афилиал адиректор Тим Деволдер. Деволдер ишазгәеиҭаз ала, ари Анаклиатәи абаӷәаза апроект аҿиараҿы даҽа ихадароу етапуп.

Аилахәыра аиҿкаарала имҩаԥгаз ацәқәырԥаԥҟагақәа рмодель алабораториатә гәаҭара апроцесс рхы аладырхәит Қырҭтәыла Аекономикеи ишьақәгылоу аҿиареи рминистр ихаҭыԥуаҩ Гурам Гурамишвилии “Анаклиатәи амшынтә баӷәаза” адиректор Зураб Сиҷинавеи. Авизит аҳәаақәа ирҭагӡаны аганқәа ацәқәырԥаԥагақәа рконфигурациеи рыҭҵаара иашьҭанеиуа аетап/аплан аграфик шьақәдырӷәӷәеит.