„Ақырҭуа гәахәтәы“ аиҳабыра, адемократиа иаҿагыло ашьаҿақәа рыла ихьыҧшым абыжьқәа рхәаҽуеит, дара амчра аиқәырхара амзызла агрессиа рхы иадырхәоит, убри ала Лукашенко ирежим ҳгәаладыршәоит, – иануп америкатә Сенат адәныҟатәи аусқәа ркомитет алахәыла,  адемократ Џьин Шаҳини Ареспубликатә партиа аҟынтә асенатор Роџьер Уикери иаладырҵәаз аҳәамҭаҿы.

„Атәылауаҩратә аиҿкаарақәа аинформациа наӡа ацәыргара рыдарцалоит, уи ииашамзар ҟалап. Ишаадыруа еиҧш,  „Ақырҭуа гәахәтәы“ иҟарҵо зегьы аолигарх Биӡина Иванишвишли ихылаҧшрала иҟарҵоит, дара атәылауаҩратә гәыҧқәа имҩаҧырго аусура аиҳара ааныркылар рҭахуп. Арҭ агәыҧқәа иреиуп  „Атәылауаҩратә уаажәларра афонд“, „Аекономикатә политика аҭҵаара ацентр“, „Жәларбжьаратәи алабҿабара  – Қырҭтәыла“, „Саҧари“, „Наҟ-наҟтәи аҧеиҧш академиа“, „Амедиа аҿиара афонд“,  „Ииашоу алхрақәа“,  „Жәларбжьаратәи адемократиатә уаажәларра“.

Убри адагьы, ҳазну амчыбжь азы  „Ақырҭуа гәахәтәы“ аполитикатә оппозициа ахаҭарнакцәа иаҳа ирҕәҕәаны рышьҭацалара иалагеит.  Аполитикатә лидерцәа аполитикатә ашьаҭала ахара рыдҵаны ибаандаҩыртәуеит. Адемократиатә аиҳабырақәа, Кремль апропаганда иаҿагыло  адемократиатә медиеи аҳәсеи аҿари рзинқәа зыхьчо аиҿкаарақәеи  рыцхраара иаҧырхагахом. Ҳара урҭ рыцхрааразы ҳабжьи ҳзакәани ҳхы иаҳархәоит. Убри аҟынтә, „Аиҩызаратә акт“ излауа ала ирласны адкылара ҳадгылоит, Сенат амзар уи еиҧш алшара ҳнаҭоит“, – иануп аҳәамҭаҿы.