Америкатәи асенатор Џьин Шаҳин асенат аҿы Европеи арегионтә аусеицуреи ркомитет аҿы Қырҭтәыла азҵааразы имҩаԥгаз аԥхьара ашҭахь асоциалтә каҭа «Твиттер» аҿы авидеоҳәамҭа ҟалҵеит. Аҳәамҭа аҿы ишазгәаҭоу, ЕАШ Қырҭтәыла адгылара нанагӡоитю

«Иахьа асенат Европеи арегионтә аусеицуреи ркомитет аҿы Қырҭтәыла иҟоу аҭагылазаашьа иадҳәаланы аԥхьара мҩаԥган. Қырҭтәыла аганахьала аоперативтә адгылара ӷәӷәа нагӡахоит, адемократизациа ареформаҿ апрогресс иаҳбарц ҳҭахуп. Аха уажәы атәыла иҭагылоу акризис аԥеиԥш ашәарҭа ҭаднаргылоит. Анапхагартә партиа «Ақырҭуа гәахәтәи»  аоппозициатә партиа «Амилаҭтә ҵысреи» еилацәажәарақәа реишәаҿ ихырҳагоу аӡбара рыдыркылароуп, апарламент алахәылацәа ихынҳәны, ақырҭуа жәлар рымаҵ руроуп. Қырҭтәыла нанагӡароуп мраҭашәаратәи акурс, Евроеидгылеи Нато-и рахь аинтеграциа, ҳара ЕАШ-и Қырҭтәылеи ирыбжьоу апартниора арӷәӷәара иаҳбароуп,» – илҳәеит асенатор Шаҳин.