Иреиҳаӡоу аҵараиурҭақәа рҿы аҵаратә процесс еиҭалагоит хәажәкыра 15 инаркны, —  Қырҭтәыла аҧыза-министр Иракли Ҕарибашвили ари аҳәамҭа ҟаиҵеит Акоординациатә хеилак аилатәара ашьҭахь.

Иара убас, Аҧыза-министр ишиҳәаз ала, хәажәкыра 15 инаркны аусура еиҭалагоит ашколтә гәыҧқәагьы.

«Иреиҳаӡоуи азанааҭтәи аҵараиурҭақәа хәажәкыра 1 инаркны апрактикатәи алабораториатәи усурақәа рымҩаҧгареи аҧышәарақәа рымҩаҧгареи рылшоит, хәажәкыра  15 инаркны  —  аудиториақәа рҿы аҵаратә процесс еиҭашьақәгылоит, иара убас, хәажәкыра 15 инаркны аусура еиҭалагоит ашколтә гәыҧқәагьы.  Амузеиқәеи абиблиотекақәеи аусура еиҭалагоит хәажәкыра 1 инаркны. Атеатрқәеи,  аспорттә клубқәеи, апрофессионалтә ансамбльқәеи арепетициақәа рымҩаҧгара рылшоит хәажәкыра 15 инаркны. Ахәаҧшцәа рыла атеатралтә ақәыргыларақәеи аспорттә аицлабрақәеи рымҩаҧгара ҟалоит  мшаҧы 1 инаркны», — иҳәеит Ҕарибашвили.