Қырҭтәыла, даараӡа Алианс иазааигәоу, игәрагоу партниоруп. Қырҭтәыла аҧыза-министр иаҳасабала раҧхьатәи сдәныҟатәи визит Бриуссель имҩаҧызгоит, уи алагьы иубарҭоуп ҳара абри апартниорра аҵакы ҷыда шанаҳшьо, – иҳәеит Қырҭтәыла аҧыза-министр Иракли Кобахиӡе иареи НАТО амаӡаныҟәгаҩ хада Иенс Столтенберги еицымҩаԥыргаз апрессконференциа аҿы.

Иракли Кобахиӡе НАТО амаӡаныҟәгаҩ хада иҭабуп ҳәа иаиҳәеит адкыларазы.

„Ҳаҭыр зқәу амаӡаныҟәгаҩ хада! НАТО аштаб-уадаҿ ҳадкыларазы ҭабуп ҳәа шәасҳәоит! Шәареи аидгылаҩцәеи шәыгәҭа НАТО-Қырҭтәылатәи  апартниорра адинамикатә усхәаҧштәи, иара убас, ҳинтеграциеи алацәажәара алшара ахьсымоу даараӡа сеигәырҕьоит. 

Азин сышәҭозар, иахьа исымоу алшара схы иархәаны, НАТО гәыкала аҭабура азаасырҧшыр сҭахуп Қырҭтәыла ахьыҧшымреи аҵакырадгьылтә акзаареи ҕәҕәала адгыларазы. 

Қырҭтәыла, даараӡа Алианс иазааигәоу, игәрагоу партниоруп. Қырҭтәыла аҧыза-министр иаҳасабала раҧхьатәи сдәныҟатәи визит Бриуссель имҩаҧызгоит, уи алагьы иубарҭоуп ҳара абри апартниорра аҵакы ҷыда шанаҳшьо. Акыршықәса рыҩныҵҟа НАТО амиссиақәеи аоперациақәеи рылахәызаара ала, ҳара азеиҧш евроатлантикатә шәарҭадара аус аҿы акрызҵазкәа алагала ҟаҳҵеит”, – иазгәеиҭеит Иракли Кобахиӡе.