Апартиа  «Ақырҭуа гәахәтәы» ахантәаҩы Иракли Кобахиӡе иҳәамҭала, иацы Украина Иреиҳаӡоу Рада ахантәаҩы иҟынтә  ҩ-ганктәи аизыҟазаашьақәа ирызкны аинтерес зҵоу, аоптимизм ду злоу аҳәамҭа раҳаит.

Кобахиӡе ишиҳәаз ала, убри ашьаҭала «Ақырҭуа гәахәтәы» анапхгара аӡбара рыдыркылеит Шьалуа Папуашвили Украинаҟа идәықәларазы.

Кобахиӡе иажәақәа рыла, Украина иҳаракӡоу аҩаӡараҟны адгылара азаарҧштәуп.

«Ҳара ҳазынтәгьы, аҧыза-министргьы,  аконсультациақәа ҳрылахәын, аҵыхәтәаны, Украинаҟа адәықәлара иазку Шьалуа Папуашвили иинициатива ҳақәшаҳаҭхеит.  Ҳәарада, ҳара Украина апарламент аҿы иҟарҵо аҳәамҭақәа ҳрыцклаҧшуеит. Иацы Украина Иреиҳаӡоу Рада ахантәаҩы иҟынтә  ҩ-ганктәи аизыҟазаашьақәа ирызкны аинтерес зҵоу, аоптимизм ду злоу аҳәамҭа ҳаҳаит. Убри ашьаҭала,  «Ақырҭуа гәахәтәы» анапхгара аӡбара ҳадаҳкылеит  Шьалуа Папуашвили Украинаҟа идәықәларазы.  Ҳара иҳаракӡоу аҩаӡараҟны Украина адгылара азааҳарҧшыроуп, абри аганахьала апарламент ахантәаҩы Шьалуа Папуашвили ивизит аҵакы ду амоуп», — иҳәеит Кобахиӡе.

Иара ишазгәеиҭаз ала, аҭагылазаашьа аҽаҧсахит, убри аҟынтә, уи апарламенттә делегациа ракәымкәа, Қырҭтәыла апарламент ахантәаҩы ивизит акәхоит.