Қырҭтәыла аԥыза-министр Иракли Кобахиӡе аиҳабыратә делегациа алахәылацәеи Рим, Ватикан аиубилеи инамаданы имҩаԥгаз Қырҭтәыла аҳәынҭқарратә акамертә хор аконцерт аҿы иҟан, – аарыцҳаит аиҳабыра радминистрациа апрессмаҵзура аҟынтә.

Аусҳәарҭа аинформациала, аконцерт аҿы инагӡан ақырҭуа адинтә шәаҳәара, жәлартә ашәақәа, ақырҭуа композиторцәа рхортә рҿиамҭақәа, Қырҭтәыла акатоликос-апатриарх Илиа Аҩбатәи иԥҵамҭақәа. Апатриарх иԥҵамҭа “Аве Мариа” Иано Алибегашвилии ахори еицынарыгӡеит. Иара убас аконцерт рхы аладырхәит акомпозитор Звиад Болкваӡеи ашәаҳәаратә гәыԥ анапхгаҩы Гьаргь Донаӡеи.

Аусмҩаԥгатә Қырҭтәыла акультура аминистрра аадгылара ала, Ватикан иҟоу Қырҭтәыла Ацҳаражәҳәарҭа ацхыраарала имҩаԥысит.

Ватикан аиубилеи инамаданы аныҳәатә уснагӡатәқәа 1300 шықәса инаркны ес-25 шықәса иазгәарҭоит.