Иракли Кобахиӡе Иеиду аҳра ацҳаражәҳәаҩ диҧылеит

10:57, 13.03.2024

Қырҭтәыла аҧыза-министр Иракли Кобахиӡе Қырҭтәыла иҟоу Иеиду аҳра ацҳаражәҳәаҩ Марк Клеитон диҧылеит.

Аиҳабыра радминистрациаҿы имҩаҧгаз аиҧылараҿы ҩ-тәылак рстратегиатә партниорреи рполитикатә еизыҟазаашьақәеи ирылацәажәеит. Аганқәа рхаҭарнакцәа ҳаҧхьаҟа апартниорра иаҳа арҭбаареи арҕәҕәареи азыҳәан ҩ-ганктәи, иара убас, аганрацәалатәи форматқәа рҿы аусеицуреи Уордроп истратегиатә диалоги ирымоу аҵакы иазааҭгылеит.

Иаҵшьны иазгәаҭан аҳәынҭқарратә институтқәа рырҕәҕәареи атәыла адемократиатә аҿиареи апроцессаҿ Иеиду аҳра иҟанаҵо алагала ду.

Қырҭтәыла аҧыза-министр Марк Клеитон ҭабуп ҳәа иеиҳәеит Иеиду аҳра ала Қырҭтәыла ахьыҧшымреи, аҵакырадгьылтә акзаареи, азхаҵамра аполитикеи адгыларазы.

АПОЛИТИКА

Қырҭтәыла аҧыза-министр Иракли Кобахиӡе