Қырҭтәыла аҧыза-министр Иракли Кобахиӡе, Европа аполитикатә аидгыла ахәбатәи асаммит аҳәаақәа ирҭагӡаны, апанельтә дискуссиа „Аекономикатә шәарҭадареи аимадареи ихы алаирхәит“.

Аиҳабыра рнапхгаҩы, иарку аформатаҿ имҩаҧгаз адискуссиаҿы данықәгылоз,  иҭышәынтәалоу  аекономикатә аҿиара иацхраауа аекономикатә диверсификациа аҵакы дазааҭгылеит.

Иара убас, Иракли Кобахиӡе иаҵшьны иазгәеиҭеит Евроеидгылаҟны аимадара аиҕьтәра аганахьала Қырҭтәыла инанагӡо ароль ду, иара атранспорттә усхкы аҿы уажәазы имҩаҧысуагьы имҩаҧыргараны иҟоугьы идуу аинфраструктуратә проектқәа дрылацәажәеит, арҭ апроектқәа иреиуп Мрагылара-Мраҭашәаратә автомагистраль лас аргылара ахыркәшареи, аихамҩа амодернизациеи, Анаклиатәи иҵаулоу абаҕәазеи.

Иара убас, аҧыза-министр аенергошәарҭадара аҵакы дазааҭгылан, ари аганахьала ҷыдала иаликааит Амшын еиқәа аӡаҵантәи акабель апроект аҵакы.

Иракли Кобахиӡе атранспорттә потенциалгьы далацәажәеит. Иара ишиҳәаз ала, Қырҭтәыла, инарҭбаау арегионаҿ, Евроеидгылазы игәрагоу партниорс иаанхоит.

Иарку аформатаҿ имҩаҧысуаз адискуссиа дахантәаҩын Литва аҧыза-министр. Адискуссиа рхы аладырхәит Естониеи, Португалиеи, Сербиеи, Ҭырқәтәылеи, Шәамахьтәылеи, Босниа-Герцоговинеи, Украинеи, Молдовеи, егьырҭ аҳәынҭқаррақәеи  рлидерцәа.