Жәларбжьаратәи аҩаӡараҟны ақырҭуа ҳәынҭқарра ақәҿиаразы зхы иамеигӡакәа аус зуа ақырҭуа дипломатцәа зегьы Ақырҭуа дипломатиа амш рыдысныҳәалоит, – иануп Қырҭтәыла аҧыза-министр Иракли Ҕарибашвили иҳәамҭаҿы.

Аиҳабыра рнапхгаҩы иажәақәа рыла, адипломатиа – адиалоги, аиҿцәажәареи, аусеицуреи, аҭынчра ашьақәыргылареи аҟазароуп, убри аҟынтә, иахьа ҳтәылеи адунеии рҿаҧхьа иқәгылоу апроблемақәа иазҧхьагәаҭаны, адипломатиа – ахархәага хадоуп.

“Жәларбжьаратәи аҩаӡараҟны ақырҭуа ҳәынҭқарра ақәҿиаразы зхы иамеигӡакәа аус зуа ақырҭуа дипломатцәа зегьы Ақырҭуа дипломатиа амш рыдысныҳәалоит

Ҳара ари амш азгәаҳҭоит ауаажәларратә усзуҩ ду, ҳаамҭазтәи ақырҭуа дипломатиа ашьаҭакҩы – Сулхан-Саба Орбелиани имшира аҽны, убри ала даҽазнык ишьақәҳарҕәҕәар ҳҭахуп иара иҧсҭазаара зегьы зыхҭниҵаз апринципқәа ҳашрызгәыку.

Адипломатиа – адиалоги, аиҿцәажәареи, аусеицуреи, аҭынчра ашьақәыргылареи аҟазароуп, убри аҟынтә, иахьа ҳтәылеи адунеии рҿаҧхьа иқәгылоу апроблемақәа иазҧхьагәаҭаны, адипломатиа – ахархәага хадоуп. Ҳҳәынҭқарреи ҳажәлари рхықәкы хада – Қырҭтәыла аидҵареи зхы иақәиҭу европатәи амилаҭқәа рҭаацәара алалареи – анагӡаразы, иара убас, аҭынчреи аҿиареи аиқәыршәаразы шәара, адипломатцәа ароль хада нашәыгӡоит.

Азанааҭдырра дуи, апатриотизми, ахмеигӡареи азыҳәан ҭабуп ҳәа шәасҳәар сҭахуп, избанзар, шәара хәы змам алагала ҟашәҵоит абарҭ ахықәкқәа рынагӡара аус аҿы. Сареи аиҳабыреи ҳахьӡала наҟ-наҟгьы адгылара ҕәҕәа шәақәсыргәыҕуеит, ақәҿиарақәа шәзеиҕьасшьоит”, – иануп аԥыза-министр иҟаиҵаз адныҳәалараҿы.