Қырҭтәыла Аҧыза-министр Иракли Ҕарибашвили автоиндустриаҿы арыцхәтә аҭирақәа рсистемақәа аусхкы аҿы адунеи иреиҕьу америкатә еилахәыра SpinCar иаанахәаз ақырҭуа стартап Pulsar AI ашьаҭаркҩцәа дырҧылеит.

Аиҧылараҿы Pulsar AI ашьаҭаркҩцәа ақырҭуа стартап аҭоурыхи ақәҿиареи иалацәажәеит. Иракли Ҕарибашвили дара ақырҭуа инновациатә проект азы ҭабуп ҳәа раҳәаны, ақәҿиарақәа рзеиҕьеишьеит.

Аиҳабыра русмҩаҧгарҭаҿы имҩаҧгаз аиҧылара аан ишазгәаҭаз ала, Pulsar AI ақәҿиара лабҿаба аанарҧшит аҭыҧантәи ақырҭуа стартапқәа жәларбжьаратәи аџьармыкьаҿы аконкуренциа шрылшо.
Аиҧылараҿы ишазгәаҭаз ала, Pulsar AI ақәҿиара абри аусхкы аҿы аус зуа ауааҧсыра гәызҭаҵагас ирзыҟалоит, амотивациа рнаҭоит.

Аилахәыра Pulsar AI Аекономикеи иҭышәынтәалоу аҿиареи рминистрра иаҵанакәа Аинновациақәеи атехнологиақәеи рзы агентра агрант рхы иадырхәоит. 2017-2018 шықәсқәа рзы дара апрототипирреи, аинвесторцәа апрототипқәа ахьрызцәырырго жәларбжьаратәи ауснагӡатәқәа рылахәызаареи азыҳәан 5000 лари агрант роуит. 2018 шықәсазы, агентра имҩаҧнагоз 100 000 лари иаҧсоу агранттә программаҿы аиааира ргеит, 2020 шықәсазы даҽа агранттә программак аҿы аиааира рган, 650 000 лари роуит. 2019-2020 шықәсқәа рзы Pulsar AI 1.2 миллион адоаллар хазхаҭалатәи аинвестициа адыҧхьаланы, аҵыхәтәаны, ақырҭуа стартап жәабала амиллион адоллар ҳәа ирҭиит.

Pulsar AI, иҧсабаратәым аинтеллект ахархәара ала, аклиенти автомобиль адиллери рыбжьара автоматтә коммуникациа аҧҵаразы аус ауеит. Аилахәыра хықәкыс иамоуп автомобильқәа рдиллерцәа ирласны, қәҿиарала аклиентцәа рымаҵ аура алшара рызҭаша атехнологиа аҧҵара.

Иара убас, аиҧылараҿы иалацәажәеит Қырҭтәыла аекосистема аҧҵара азҵаарагьы, уигьы Қырҭтәыла аиҳабыра рзы аҧыжәара амоуп. Ишазгәаҭаз ала, 10 шықәсатәи аплан аҳәаақәа ирҭагӡаны, аиҳабыра, абри аҩыза стартапқәа рыдгылара астратегиа иаҳа идырҭбаауеит. Аҧыза-министр ишиҳәаз ала, ақырҭуа инновациатә аалыҵ жәларбжьаратәи аџьармыкьаҿы аарҧшра аҵакы ду амоуп.

Аиҳабыра русмҩаҧгарҭаҿы имҩаҧгаз аиҧылара рхы аладырхәит Қырҭтәыла аекономикеи иҭышәынтәалоу аҿиареи азы аминистр Наҭиа Турнавеи, аминистр лхаҭыҧуаҩ Иракли Надареишвилии, „Қырҭтәыла аинновациақәеи атехнологиақәеи рзы агентра” анапхгаҩы Авҭандил Касраӡеи. Авидеоконференциа арежим аҿы Американтә аиҧылара ихы алаирхәит арыцхәтә платформа SpinCar ашьаҭаркҩцәа иреиу Маикл Қвигли.