Қырҭтәыла аҧыза-министр Иракли Ҕарибашвили аусуратә ланч аформат аҿы Қырҭтәыла иҟоу Евроеидгыла ацҳаражәҳәаҩ Павел Герчинскии Евроеидгыла атәылақәа рыцҳаражәҳәаҩцәеи дырҧылеит.

Аиҳабыра радминистрациа аинформациала, аиԥылара Евроеидгыла атәылақәа рыцҳаражәҳәаҩцәа ринициативала мҩаԥган.

Аиԥылара Қырҭтәыла акандидат статус анашьаразы Еврокомиссиа 12 абжьагарақәа ирыдҳәалан. Ацҳаражәҳәаҩцәа Қырҭтәыла аҧыза-министр астатус аиуразы абжьагара аиура идырныҳәалеит.

“Иракли Ҕарибашвили ацҳаражәҳәаҩцәеи адипломатиатә корпуси адгыларазы иҭабуп ҳәа раиҳәеит.

Аиԥылараҿ инарҭбаау аинформациа аарԥшын Қырҭтәыла аиҳабыра имҩаҧыргаз ареформақәеи атәыла иамоу апрогресси ирызкны. Аԥыза-министр ишазгәеиҭаз, анапхгаратә гәыԥ абжьагарақәа рынагӡара алшан, Еврокомиссиа иазышьақәнарӷәӷәеит ареформақәа рпроцесс анагӡара  ишазыхиоу.

Иҟоу ауснагӡатәқәа ирызкны, избанзар, жьҭааразы Еврокомиссиа, аҳасабырба ҿыц цәырганы, Европатәи ахеилак абжьагара анаҭоит Қырҭтәыла акандидат астатус аҭара ма амҭара иазкны.

Евроеидгыла ацҳаражәҳәаҩи Евроеидгыла атәылақәа рыцҳаражәҳәаҩцәеи рҟны аиҧылара рхы аладырхәит Адәныҟатәи аусқәа рминистр Илиа Дарчиашвилии аиҳабыра радминистрациа аиҳабы Реваз Џьавелиӡеи”, – иануп аинформациа аҿы.