Қырҭтәыла аҧыза-министр иҭыҧ азы акандидат Иракли Ҕарибашвили  аиҳабыра реилазаара ҿыц аирбеит.

Аминистрацәа реилазаара ҿыц иазку аинформациа аларҵәара аиуит «Ақырҭуа гәахәтәы  — Адемократиатә Қырҭтәыла» аполитхеилак аилатәара ашьҭахь.

Аиҳабыра реилазаараҿы ҩыџьа аминистрцәа мацара рыҧсахит: Джуаншер Бурҷулаӡе атәылахьчара аминистрс дықәдыргылоит, Иракли Карселаӡе   – ирегионалтә аҿиареи аинфраструктуреи  азы аминистрс.

Аиҳабыра реилазаара ҿыц:

арегионалтә аҿиареи аинфраструктуреи азы аминистр  — Иракли  Карселаӡе;

аиустициа аминистр  — Гоча Лортқиҧаниӡе;

аҩнуҵҟатәи аусқәа рминистр  —  Вахтанг Гомелаури;

аекономикеи иҭышәынтәалоу аҿиареи азы аминистр  — Наҭиа Турнава;

адәныҟатәи аусқәа рминистр  — Давиҭ Залкалиани;

афинансқәа рминистр  — Иване Маҷавариани;

аҵареи, аҵарадырреи, акультуреи, аспорти рзы аминистр  —  Михаил Чхенкели;

аџьаусис, агәабзиарахьчареи, асоциалтә ахьчареи азы аминистр  — Екатерина Тикараӡе;

аҧсабарахьчареи ақыҭанхамҩеи азы аминистр  — Леван Давиҭашвили;

атәылахьчара аминистр  —  Джуаншер Бурҷулаӡе;

аинаалареи атәылауаҩратә аиҟарареи азҵаарақәа рзы аҳәынҭқарратә министр  — Ҭеа Ахвледиани.

Уажәазы иҟоу аинформациа инақәыршәаны, апарламент аиҳабыра реилазаара ҿыц шьақәнарҕәҕәоит иааиуа амчыбжь азы.

Иацы  «Ақырҭуа гәахәтәы» ахаҭарнакцәа  атәыла аҧыза-министр иҭыҧ азы Иракли Ҕарибашвили икандидатура иқәдыргылеит.

Иракли  Ҕарибашвили  Қырҭтәыла аҧыза-министрс дыҟан 2013 шықәса абҵара 20  инаркны  2015 шықәса ҧхынҷкәын 24-нӡа.