Қырҭтәыла аҧыза-министр Иракли Ҕарибашвили Даниа аҳра адәныҟатәи аусқәа рминистр Ларс Лекке Расмуссен диҧылеит.

Иракли Ҕарибашвили Ларс Лекке Расмуссен ҭабуп ҳәа иеиҳәеит Қырҭтәыла европатәи евроатлантикатәи интеграциа еснагь адгыларазы. Аиҧылара алахәылацәа акандидат астатус аиуразы Қырҭтәыла иҟанаҵо ашьаҿақәа ирылацәажәеит.

Даниа аҳра адәныҟатәи аусқәа рминистр даҽазнык ишьақәирҕәҕәеит иара итәыла Қырҭтәыла ахьыҧшымреи аҵакырадгьылтә акзаареи ишадгыло.

Аиҳабыра радминистрациаҿы имҩаҧгаз аиҧылараҿы хшыҩзышьҭра рызун ҩ-тәылак реизыҟазаашьақәа, урҭ рыбжьара, аенергетикеи, атәылахьчареи, атуризми, егьырҭ аусхкқәеи рҿгьы. Аганқәа рхаҭарнакцәа Қырҭтәылеи Даниеи рыбжьара аусеицура иаҳа арҭбаара ахьыҟало аусхкқәа ирылацәажәеит. Ҷыдала иазгәаҭан ахәаахәҭра-економикатә еизыҟазашьақәа рырҭбаара аҵаки, иара убас, Қырҭтәыла еиқәыршәоу, иманшәалоу аинвестициатә лагылазаареи.

Аиҧылараҿы аиҳабыра рнапхгаҩы иаҵшьны иазгәеиҭеит Қарҭ Даниа ацҳаражәҳәарҭа аартра аҵакы.