Қырҭтәыла Аҧыза-министр Иракли Ҕарибашвили, Европа Аинвестициатә банк ҧасатәи авице-ахадеи Словакиа  аекономика ҧасатәи аминистри Васил Худак атәым инвестициақәа рыдыҧхьалара азҵааразы абжьагаҩс дҟаиҵеит.

Иракли Ҕарибашвили ишиҳәаз ала, Васил Худак  ақырҭуа економикатә гәыҧ алахәылацәа ибзианы идыруеит. Иацы иара абинес маҷи абжьаратә бизнеси аусқәа рзы  Евроеидгыла ахаҭарнак ҷыдас дҟарҵеит.

«Ишыжәдыруа ала, ҳара акоронавирус иахылҵыз иуадаҩӡоу аҭагылазаашьаҿы  аекономика аиҭашьақәыргылара аплан ҿыц аус адулара ҳаҿуп. Ари аганахьала Қырҭтәыла аҿиаразы ахадаратә ҵакы рымазаауеит атәым инвестициақәа.  Атәыла аинвестициақәа аҭахуп, уи иаанагоит ҳтәыла аекономика иаҳа ирласны еиҭашьақәгылоит  ҳәа, аусуратә ҭыҧқәа иаҳа ирацәахоит,  ҳуааҧсыра рхашәала ацлоит. Убри азоуп ҳара Васил Худак дзалыхыз, иара Қырҭтәыла аҩызцәа дреиуп. Ақәҿиара змоу икариера аан иара Европа Аинвестициатә банк авице-ахадас дыҟан, Словакиа аекономикеи, иара убас, афинансқәеи рминистррақәа дырхагылан, уаанӡа хазхаҭалатәи абанкқәа рҿы аус иуан. Иара убас, иаҵшьны иазгәасҭар сҭахуп иара ибзиаҵәҟьаны Қырҭтәыла шидыруа.  Ҳекономикатә гәыҧ алахәылацәа ибзиаҵәҟьаны идыруеит. Уи адагьы, иацы иара абизнес маҷи абжьаратә бизнеси аусқәа рзы Евроеидгыла ахаҭарнак ҷыдас дҟарҵеит», — иҳәеит Иракли Ҕарибашвили.