Ашьхаҳаракыратә аиланхарҭақәа рҿиаразы  2021-2023 шықәсқәа рзтәи ауснагӡатәқәа рплан ала иҳәаақәҵоу ауснагӡатәқәа ирылацәажәеит  аҧыза-министр Иракли Ҕарибашвили инапхгарала иахьа аиҳабыра радминистрациаҿы имҩаҧгаз  Ашьхара аҿиара амилаҭтә хеилак аилатәараҿы.

Ауснагӡатәқәа рплан инақәыршәаны,  3 шықәса рыла, аинфраструктуратәи асоциалтәи цхыраара амзызла, 968.5 миллион лари иаҧсоу апроектқәа нарыгӡараны иҟоуп, ари арбага уаанӡатәи иашьашәалоу арбага аасҭа 29%-ла еиҳауп.

Ашьхаҳаракыратә аиланхарҭа астатус ранашьоуп  1801 аиланхарҭақәа, уи Қырҭтәыла ашьхаҳаракыратә аиланхарҭақәа зегьы рҟынтәи 49%-оуп.  Аҵыхәтәантәи 6 шықәса рыла ашьхаҳаракыратә аиланхарҭақәа рыцхрааразы иныхын 1.16 миллиард лари; ари аҧара аҟынтә, инақәыршәаны, 402.7 миллион лари иныхын азакәан ала иазҧхьагәаҭоу асоциалтә азинҷыдақәа рзы, лымкаала, ацҵатәқәеи, атәанчахәи, асоциалтә цхыраареи, аҳақьымцәеи амедиеҳәшьцәеи арҵаҩцәеи рџьаусҧсеи, аспорт еиуиҧшым ахкқәа рзы азыҟаҵаҩцәа рџьаусҧсеи, егьырҭ ахырхарҭақәеи рзы, иара убас, – ауааҧсыра инырхыз афымца ахә  50% аицфинансркразы. 

Ахеилак алахәылацәа „Ашьхаҳаракыратә аиланхарҭақәа рҿиара афонд азы иазҧхьагәаҭоу ассигнациақәа рҟынтә аҧара алхра иазку“ ақәҵара апроект иахәаҧшит, уи ала иазҧхьагәаҭоуп 2022 шықәсазы Ашьхаҳаракыратә аиланхарҭақәа рҿиара афод аҧара аизшара.