Иракли Ҕарибашвили – Анапхгаратә партиа атәыла ахада лимпичмент азы иахәҭоу аӡбара рыдыркылеит

«Рыцҳарас иҟалаз, атәыла ахада аиҳабыра рмапкра иатәамбакәа,  иаартны Қырҭтәыла Аконституциа еилалгеит, Аконституциа иануп атәыла адәныҟатәи аполитика атәыла аиҳабыра имҩаҧыргоит ҳәа, аиҳабыра ари аус атәыла ахада лнапы ианырҵар, убасҟан ауп лара иашьашәалоу азинмчы анлоуа.

Мызкы аҧхьа ҳара абарҭ авизитқәа рымҩаҧгара иадҳәаланы аофициалла мап лцәаҳкит.  Ари аӡбара зҳадаҳкалазгьы шәасҳәар сҭахуп.  Мызқәак раҧхьа атәыла ахада илҳәеит Қырҭтәыла анапхгара рыҧхықәрақәа нарыгӡом ҳәа, иара убас,  ишылҳәаз ала, ҵыҧх Қырҭтәыла акандидат астатус ахәҭамызт.  Убри анеҩс, лара лахь агәрагара ҳцәыӡит.  Ҳара изакәызаалак мотивациак ҳамамызт, иарбанызаалак азинмчқәа лымхра ҳгәы иҭамызт. Қырҭтәыла ахада иаартны Аконституциа еилалгоит. Ари афакт ақәҿыҭра аҭатәын.  Убри аҟынтә,  анапхгаратә партиа атәыла ахада лимпичмент азы иахәҭоу аӡбара рыдыркылеит», — иҳәеит Ҕарибашвили.