Аиҳабыра рламысра 2022 шықәсатәи аиндекс инақәыршәаны, Қырҭтәыла адунеи аҿы  35-тәи аҭыҧ ааннакылеит, Европа иреиҕьу  20 ҳәынҭқарра ҳреиуп», — иҳәеит Қырҭтәыла аҧыза-министр Иракли Ҕарибашвили аиҳабыра иахьатәи реилатәараҿы.

Иара иажәақәа рыла,  аҳәынҭқарратә аламысра аиндекс ала Қырҭтәыла адунеи аҿы  32-тәи аҭыҧ ааннакылоит.

«Уажәааны ицәырган анапхгараҭара аиндекс ҿыцқәа, аламысра аиндексқәа, урҭ аус рыднаулеит адунеи еицырдыруа аҭҵааратә аиҿкаара, Вашингтон иреиҕьу аналитикатә центр   Heritage Foundation.  Аиҳабыра рламысра аиндекс инақәыршәаны, 2022 шықәсазы Қырҭтәыла  35-тәи аҭыҧ ааннакылеит, иреиҕьу европатәи 20 ҳәынҭқарра ҳреиуп. Аҩбатәи  – аҳәынҭқарратә аламысра аиндексуп, уи инақәыршәаны, Қырҭтәыла адунеи аҿы 32-тәи аҭыҧ ааннакылоит, ҧасатәи асоветтә қәыҧшылараҿы аҩбатәи аҭыҧаҿ ҳгылоуп, Естониа ашьҭахь.

Ҳуааҧсыра ирасҳәар сҭахуп, абри зегьы ҳаиҳабыра русура иабзоуроуп. Сызлацәажәаз аиндексқәа рҿы ҳара НАТО 14 ҳәынҭқарреи Евроеидгыла 12 ҳәынҭқарреи ҳарҧысит. Тәылақәак еиқәысыҧхьаӡар сылшоит: Кипр, Латвия, Польша, Чехиа, Италиа, Мальта, Словакиа, Бырзентәыла, Хорватиа, Черногориа, Болгариа, Румыниа уҳәа, убас егьырҭгьы.

2012 шықәсазы,  ареформақәа рымҩаҧгараҿы зегьы ҳреиҕьуп ҳәа адунеи зехьынџьара  аинформациа аналадырҵәоз, ҳуааҧсыра иҳаиҕьу дыҟам ҳәа анрарҳәоз, зыӡбахәы ҳәоу аиндикатор аҿы Қырҭтәыла  69-тәи аҭыҧаҿ игылан. Усҟан иреиҕьу европатәи  20 ҳәынҭқаррақәа егьрылацәажәомызт», — иҳәеит Ҕарибашвили.