« 2012 шықәса мшаҧы 21 рзы  Биӡина  Иванишвили ҳгәыҧ еиҿикааит, ари ахҭыс ала Қырҭтәыла аполитикатәи ауаажәларратә ҧсҭазаараҿы зҵакы дуу апроцессқәа иалагеит», — иҩит Қырҭтәыла аҧыза-министр Иракли Ҕарибашвили асоциалтә аҳаҿы.

Иракли Ҕарибашвили иажәақәа рыла, усҟан Қырҭтәыла аамҭа цәгьа иҭагылан, усҟантәи анапхгара рхаан ашәареи, атеррори, амчылареи аҳра рыман, абри акәын рполитика шьаҭас иамаз.

«Абри аҭагылазаашьа аҿоуп  Биӡина Иванишвили инапхгарала  «Ақырҭуа гәахәтәы —  Адемократиатә Қырҭтәыла» ишаҧҵаз.  Ари аамҭа ҳҳәынҭқарра аҿиара апроцессаҿ аҵакы ду аман. Иахьа лабҿаба иаабоит зыӡбахәы ҳәоу ахҭыс абзоурала, ҳтәыла ақәыӡӡаара ишацәцаз. Иахьа, арегионаҿ имҩаҧысуа ахҭысқәа раан, ҳтәылаҿ ашьаарҵәаратә антимилаҭтә режим иҟазҭгьы, Қырҭтәыла аҩбатәи полигонс иҟалон.

Ҳара, аҭынчмҩала антиҳәынҭқарратә режим иҧсахны, амилаҭтә политика амҩаҧгара ҳалагеит  –  ахьыҧшымра арҕәҕәареи, аҭынчреи аҭышәынтәалареи ҳуааҧсыра рхақәиҭреи аиқәыршәареи ҳалагеит. Ҳтәыла ахьыҧшымра аиҭашьақәыргылара инаркны  уи аҭынчратә аамҭа заҵәуп, уи абзоурала, ҳара ҳҽазышәарақәа зегьы еиуеиҧшым аусхкқәа рырҿиара иазаҳкыр ҳалшоит.

Иаҵшьны иазгәасҭар сҭахуп ҳтәыла евроинтеграциа апроцессаҿ иҟоу апрогресс. Зхы иақәиҭу европатәи амилаҭқәа рҭаацәара алалара хымҧада инагӡахо процессуп.
Абарҭ ақәҿиарақәа зыҟаломызт  «Ақырҭуа гәахәтәы» алахәыла цыҧхьаӡа, адгылаҩ цыҧхьаӡа ихы дамеигӡакәа аусура ду мҩаҧиимгазҭгьы. Иахьагьы абри аҩызаҵәҟьа амотивациа ҳамоуп,  амилаҭтә политика амҩаҧгара наҳагӡароуп  —  атәыла ахьыҧшымра арҕәҕәареи, аҭынчра аиқәыршәареи, аекономика аиҭаҿиареи, ҳкультуреи ҳдинхаҵареи ҳтрадициақәеи, ҳажәлар ракзаареи ахьчареи ауп хықәкыс иҳамоу, ақырҭуа цыҧхьа игәазыҳәара  —  иаку, зхы иақәиҭу, Қырҭтәыла ҕәҕәа ҳаргылароуп», — иҩит Ҕарибашвили.