Иахьа аофициалла адгьылҭыԥ ҳауит, уаҟа ақырҭуа культура ацентр ҳаргылоит, 300 шықәса рышьҭахь Қырҭтәыла адгьылц цқьа иазыхынҳәит. Ақырҭуаа зегьы абри ахҭыс ҷыдала иеигәырҕьоит, – Қырҭтәыла аҧыза- министр Иракли Ҕарибашвили ари аҳәамҭа ҟаиҵеит Иорданиатәи аҳашимиттә аҳраҿы ажурналистцәа данрацәажәоз.

Иракли Ҕарибашвили Иорданиатәи аҳашимиттә аҳра апринц Ҕази дицны, аӡиас Иордан иазааигәаны, Қьырса иӡӡаахра аҭыҧ аҿы Қырҭтәыла адгьылҭыҧ аҭара иазку аофициалтә церемониа ихы алаирхәит.

Қырҭтәыла Акаталикос-патриарх иныҳәарала, Қырҭтәыла аҧыза- министр амемориалтә хаҳә ааиртит.

Иорданиа аҳ Абдула аҩбатәии апринц Газии еицрыдыркылаз аӡбарала, Иаса Қьырса иӡӡаахра аҭыҧ аҿы, аӡиас Иордан ааигәара, Қырҭтәыла 4000 акв.м. адгьылҭыҧ азалырхит.

Аинформациа аланарҵәеит Аиҳабыра радминистрациа.