Илия Дарчиашвили Иран адәныҟатәи аусқәа рминистр диҧылеит

Қырҭтәыла адәныҟатәи аусқәа рминистр Илиа  Дарчиашвили,  Давостәи Адунеизегьтәи аекономикатә форум аҳәаақәа ирҭагӡаны,  Иран исламтәи ареспублика адәныҟатәи аусқәа рминистр  Хосен Амир Абдоллаҳиан диҧылеит.

Аиҧылараҿы Қырҭтәылеи Ирани реигәыларатә еизыҟазаашьақәа ирылацәажәеит.

Аминистрцәа ҩ-ганктәи аизыҟазаашьақәеи ахәаахәҭра-економикатә еизыҟазаашьақәеи ирзааҭгылеит.

Иара убас,  аганқәа рхаҭарнакцәа,  арегионаҿ иҟоу апроблемақәагьы ирылацәажәеит. Иаҵшьны иазгәаҭан арегион иҭышәынтәалоу аҿиара аҵакы.

Ари аинформациа аланарҵәеит Қырҭтәыла Адәныҟатәи аусқәа рминистрра апресс-маҵзура.