Илиа Дарчиашвили – Сара агәра ганы сыҟоуп Бельгиа, ҳтәыла евроинтеграциа ҕәҕәала ишадгыло

Бельгиа адәныҟатәи аусқәа рминистр иахьа визитла Қырҭтәыла даҭааит. Ҳара аинтерес ду зҵаз ҩ-ганктәи аиҧылара мҩаҧаагеит, ҳтәылақәа рзы зҵакы дуу азҵаарақәа рацәа ҳрылацәажәеит, аҵыхәтәантәи аамҭазы ҳара ҧшьынтә ҳаиҧылахьеит», — иҳәеит Қырҭтәыла адәныҟатәи аусқәа рминистр Илиа Дарчиашвили.

Аминистр иҳәамҭала, бельгиатәи иколлегеи иареи ҩ-тәылак реизыҟазаашьақәа ирылацәажәеит.

«Иааиуа ашықәс инаркны Бельгиа Евроеидгыла ахеилак аҿы ахантәаҩра амазаауеит, ҳара ҳзы уи аҵакы ду амоуп, избанзар, ари атәыла Евроеидгыла арҭбаара апроцессаҿ акрызҵазкәа ароль нанагӡоит. Ари ахырхарҭала, ҳара Қырҭтәыла евроинтеграциа адгылара иазку Бельгиа аҽазышәарақәа ҳрылацәажәеит. Иара убас, ҳазлацәажәаз азҵаарақәа иреиун ҩ-ганктәи ахәаахәҭреи, аекономикатә усеицуреи.  Ари авизит аинтерес ду аҵан ҳәа сгәы иаанагоит», — иҳәеит  Дарчиашвили.