«Қырҭтәылазы зегьы реиҳа ихадоуп ҳрегионаҿы аҭынчреи ашәарҭадареи ашьақәыргылара. Убри аҟынтә, ҳтәыла, аладатә ҳгәылацәа рыбжьара еснагь абжьацәажәаҩс иҟазар аҭахын», — иҳәеит адәныҟатәи аусқәа рминистр Илиа Дарчиашвили.

Аминистр ишиҳәаз ала, ари апроцесс наҟ-наҟгьы инагӡоит.

«Ҵыҧх, аҧыза-министр иҽалархәрала, аконкреттә алҵшәақәа ҳауит, ари апроцесс инагӡоит, мызқәак раҧхьа Қырҭтәыла иҳадаҳкылеит ҩыџьа аминистрцәа, уи алагьы иубарҭоуп ҳгәылацәа ҳагәра шырго. Қырҭтәыла, Қарҭ,  аладатәи ҳгәылацәа ҭынч, аҭынчратә диалог ахьымҩаҧыргаша ҭыҧс иҟазар ҳҭахуп, ҳара уи ҳазыхиоуп.

Ҳара изакәызаалак, заанаҵтәи аҳәарак ҳамам. Ҳгәылацәа ираҳҳәаз акоуп, дара ианырҭаху, еснагь, ҳтәылаҿы рыдкылара ҳазыхиоуп, арегионаҿ аҭынчра ашьақәыргылара амзызла адиалог ацхраара ҳазыхиоуп», — иҳәеит  Илиа Дарчиашвили.