Иахьа Қырҭтәыла даҭаауеит Германтәыла апарламент ахада Бербет Бас

Иахьа Қырҭтәыла даҭаауеит Германтәыла апарламент ахада Бербет Бас.

Қырҭтәыла иҟоу Германтәыла ацҳаражәҳәарҭа аинформациа инақәыршәаны, Германтәыла апарламент ахантәаҩы  Бербель Бас Қарҭ даҭаауеит ақырҭуа лколлега Шьалуа Папуашвили иааҧхьарала.

Аинформациа ишану ала, ҧхынгәы 10-12 рзы имҩаҧысуа авизит аҳәаақәа ирҭагӡаны,  Бербель Бас  Шьалуа Папуашвилии, Саломе Зурабишвилии,  Иракли Ҕарибашвилии дырҧылоит.

Ацҳаражәҳәарҭа аинформациаҿы ишазгәаҭоу ала,  Германтәыла апарламент ахантәаҩы Қырҭтәыла лвизит хықәкыс иамоуп Германтәылеи Қырҭтәылеи рпартниорра арҕәҕәара.

«Бас Қырҭтәыла даҭаауеит зҵакы дуу аамҭазы. Қырҭтәыла Евроеидгыла алаларазы азыҳәамҭа ҟанаҵеит, убри аҟынтә, ҳара ари ахықәкы анагӡаразы ҳаҧхьаҟа иҟаҵатәу ашьаҿақәа ҳрылацәажәоит. Иара убас, Бас, Украина имҩаҧысуа аибашьра афонаҿ Қырҭтәылеи арегиони рҿы аҭагылазаашьа дазааҭгылоит.

Ҧхынгәы 10-12 рзы имҩаҧысуа авизит аҳәаақәа ирҭагӡаны,  Бербель Бас  Шьалуа Папуашвилии, Саломе Зурабишвилии,  Иракли Ҕарибашвилии дырҧылоит.

Авизит апрограммала иазҧхьагәаҭоуп Аахыҵ Уаҧстәыла административтә аҳәаашҟа анеиреи Евроеидгыла Амониторингтә миссиаҿ абрифинги.

Германтәыла апарламент ахантәаҩы Қырҭтәыла лвизит хықәкыс иамоуп Германтәылеи Қырҭтәылеи рпартниорра арҕәҕәара», — иануп ацҳаражәҳәарҭа аинформациаҿы.