Қырҭтәыла авице-аҧыза,  адәныҟатәи аусқәа рминистр Давиҭ Залкалиани,  Қырҭтәылеи,  Молдовеи,  Украинеи рдәныҟатәи аусқәа рминистрцәа рассоциациатә трио аҳәаақәа ирҭагӡаны,  аиҧыларақәа мҩаҧигоит.

Авизит аан,  Давиҭ Залкалиании,  Молдова Аҧыза-министр инапынҵақәа назыгӡо,  адәныҟатәи аусқәеи европатәи аинтеграциеи рзы аминистр Аурелио Чокои,  Украина адәныҟатәи аусқәа рминистр Дмитри Кулебеи Евроеидгыла Иреиҳаӡоу ахаҭарнак Жозеп Боррели,  Еврокомиссиа анагӡаратә авице-ахада,  ахәаахәҭра азҵаарақәа рзы Еврокомиссар Валдис Домбровскии,  арҭбаара азҵаарақәа рзы Еврокомиссар Оливер Вархелии ирҧылоит.

Аиҧыларақәа мҩаҧысуеит Европарламент аҿы.

Иара убас,  авизит аҳәаақәа ирҭагӡаны,  ассоциациатә х-тәылак рдәныҟатәи аусқәа рминистрцәа Конрад Аденауер ифонд ала еиҿкаау адискуссиа рхы аладырхәоит.