«Аоппозициаа рыхәҭак Бельгиа аӡбара иақәгәырҕьеит, уи цәгьоуп. Дара Европаҟа аинформациа цәгьа анагаразы активла аус руеит, аха, афактқәа ҳрыхәаҧшыр, Қырҭәтыла атуристтә центрс иаанхоит, ишәарҭам тәылоуп», — иҳәеит Қырҭтәыла апарламент актәи авице-спикер  Гиа  Вольски Бельгиа ирыдыркылаз аӡбара иадҳәаланы аоппозициатә депутат Саломе Самадашвили иҟалҵаз аҳәамҭа данахцәажәоз.

Вольски иҳәамҭала, ари аӡбара авизадатә режим иадҳәалам.

«Бельгиа ирыдыркылаз аӡбара лахьеиқәҵагоуп. Уажәааны Қырҭтәыла имҩаҧган Аиуризм азы жәларбжьаратәи аиҿкаара аконференциа, Қырҭтәыла иаҭааит еиуеиҧшым атәылақәа рҟынтә атуристтә аиҿкаарақәа рнапхгаҩцәа. Иара убас, адунеии Европеи ачемпионатқәа мҩаҧаагеит, еиуеиҧшым жәларбжьаратәи аспорттә аицлабрақәа мҩаҧган. Бельгиа ирыдыркылаз аӡбара уажәааны иҟалаз аидыслара иадҳәалоуп ҳәа сгәы иаанагоит, ари аӡбара аполитикатә ашьаҭа амоуп.   Аоппозициаа рыхәҭак Бельгиа аӡбара иақәгәырҕьеит, уи цәгьоуп. Дара Европаҟа аинформациа цәгьа анагаразы активла аус руеит, аха, афактқәа ҳрыхәаҧшыр, Қырҭәтыла атуристтә центрс иаанхоит, ишәарҭам тәылоуп. Ҳәарада,  ари аӡбара авизадатә режим иадҳәалам. Ҳоппозициаа  Европаҟа аинформациа цәгьа анагаразы активла аус руеит. Қырҭтәыла аҩныҵҟатәи аҕацәа иаҳа ирацәоуп, адәныҟатәи раасҭа», — иҳәеит  Гиа Вольски.