«Америка ацҳаражәҳәаҩ ҳтәыла анапхгара раасҭа иаҳа Қырҭтәыла аинтересқәа дрызхәыцуеит. Қырҭтәылаҿ евроинтеграциа иаҧырхагахар зҭаху, урыстәылатәи адезинформациа алазырҵәо амчқәа иҟоуп», — иҳәеит «Аҕмашенебели истратегиа» алидер Гьаргь Вашаӡе.

Келли Дегнан иахьа иҟалҵаз аҳәамҭа иадҳәаланы ианиазҵаа, Гьаргь Вашаӡе абас аҭак ҟаиҵеит: «Қырҭтәылаҿ Урыстәыла иадгыло амчқәа интенсивла апропагандатә кампаниа мҩаҧыргоит. Дара Қырҭтәыла иамоу адгылара ҕәҕәа аҧыхра рҽазыркит».

Иара убас, Гьаргь Вашаӡеи ишиҳәаз ала, иара Келли Дегнан длықәшаҳаҭуп,  12 абжьагарақәа Евроеидгыла акәымкәа, Қырҭтәылоуп изызку.

«Келли Дегнани уи имҩаҧылго аусуреи акәымзҭгьы, иахьа Қырҭтәылеи Америкеи реизыҟазаашьақәа цәгьахон. Атәыла анапхгара ирылшо зегьы ҟарҵоит ҳстратегиатә партниор, ҳҩыза, иҕәҕәаӡоу аҳәынҭқарра аҕас иаҳзыҟаларц азыҳәан.  Ҳара ацҳаражҳәаҩ ҭабуп ҳәа лаҳҳәароуп, избанзар  «Ақырҭуа гәахәтәы» ахаҭарнакцәа ҕәҕәала ишлықәыҕәҕәозгьы, Қырҭтәылеи Америкеи реизыҟазаашьақәа ҧхасҭамхеит», — иҳәеит Гьаргь Вашаӡе.