Гьаргь Амилахвари Италиа ацҳаражәҳәаҩ иҟны аиԥырҵратә аиԥылара мҩаԥигеит
Қырҭтәыла Аҵара аминистр Гьаргь Амилахварии, аминистр актәи ихаҭыԥуаҩ Александр Ҵулаиеи Италиа ацҳаражәҳәаҩ Енрико Вальво иҟны аиԥырҵратә аиԥылара мҩаԥигеит.
Қырҭтәыла Аҵара аминистрра аинформациала, Гьаргь Амилахвари Енрико Вальво иҭабуп ҳәа иаиҳәеит иара ацҳаражәҳәаҩс даныҟаз ҩ-тәылак русеицура арҭбаара аус аҿы иҟаиҵаз алагала ду азыҳәан, иара убас, наҟ-наҟ иусураҿы ақәҿиарақәа изеиҕьеишьеит.