«Ҳара Қырҭтәылаҟны аиҿцәажәарақәа рымҩаҧгара наҳагӡоит,  Қарҭ иҟоу ҳацҳаражәҳәара аҟны аимадара ҕәҕәа ҳамоуп, дара активтә роль нарыгӡоит мшаҧы 19-тәи аиқәшаҳаҭра аимплементациа апроцесс аҿы,  — иҳәеит Европеи Евразиеи азҵаарақәа рзы Америка аҳәынҭқарратә маӡаныҟәгаҩ ицхырааҩ Филип Рикер Қырҭтәыла адәныҟатәи аусқәа рминистр Давиҭ Залкалиани даниҧыла ашьҭахь.

Рикер, иҳәамҭала, Америка ҳаҧхьаҟагьы активла Қырҭтәыла иадгылоит.

«Сҩыза, сколлега Давиҭ Залкалиани иҧылара сара сзы ҳаҭыр дууп. Сара аҳәынҭқарратә маӡаныҟәгаҩ Блинкени ахада Баидени рҟынтә салам исҭеит. Арегион аҿы свизит алҵшәа ахылҵит ҳәа сгәы иаанагоит.  Қырҭтәылеи Аахыҵ Кавказ арегиони ҳара ҳзы аҧыжәара рымоуп.  Ҳара Қырҭтәылаҟны аиҿцәажәарақәа рымҩаҧгара наҳагӡоит,  Қарҭ иҟоу ҳацҳаражәҳәара аҟны аимадара ҕәҕәа ҳамоуп, дара активтә роль нарыгӡоит мшаҧы 19-тәи аиқәшаҳаҭра аимплементациа апроцесс аҿы. Уи  Қырҭтәыла ҧхьаҟацаразы  здаҟам алшароуп.  Ҳәарада, ҳара Қырҭтәыла ахьыҧшымреи аҵакырадгьылтә акзаареи, иҭышәынтәалоу адемократиа аҿиареи ҳадгылоит», — иҳәеит Рикер.