Евровизиа  2023 еиҿызкаауа ақалақь Ливерпуль имҩаҧгаз аҵәҭаҧсара ашьҭахь ишеилкаахаз ала, Қырҭтәыла ахаҭарнак дықәгылоит аҩбатәи афиналбжатә шоу аҿы

Иара убас,  аҩбатәи афиналбжаҿы иқәгылоит Шәамахьтәылеи, Кипри, Румынтәылеи, Данаиеи, Бельгиеи, Исландиеи, Бырзентәылеи, Естониеи, Албаниеи, Австралиеи, Австриеи, Литвеи,  Сан-Маринои, Словениеи,  Польшеи.

Актәи афиналбжаҿы иқәгылоит Сербиеи, Латвиеи, Португалиеи, Ирландиеи, Норвегиеи, Хорватиеи, Мальтеи, Швециеи, Молдовеи, Швеицариеи, Израили, Нидерланди, Финлиандиеи, Азербаиџьани, Чехиеи.

Автоматла афиналахь ииасит Британиа Дуи,  Италиеи, Испаниеи, Франциеи, Германтәылеи, ҵыҧхтәи аконкурс аиааирагаҩы Украинеи.

Германтәылеи, Франциеи,  Италиеи актәи афиналбжаҿы абжьыҭира рылшоит,  Украинеи, Испаниеи, Британиа дуи  —  аҩбатәи афиналбжаҿы.

Сынтәа Евровизиа ашәаҳәаратә конкурс мҩаҧысуеит лаҵара  9, 11,  13 рзы, британиатәи ақалақь Ливерпуль.