Европа ахеилак апарламенттә ассамблеиа 66 бжьқәа рыла Қырҭтәыла иазку арезолиуциа «Қырҭтәыла адемократиа ааԥхьарақәа» аднакылеит.

Адокумент авторцәа роуп Клод Керни Эдит Эстреллеи. Арезолиуциа иалалеит актәи аԥсахра. Аҩбатәи аԥсахра – “Ассамблеиа агәынамӡара аанарԥшуеит Қырҭтәыла аҩныҵҟатәии адәныҟатәии политика аганахьала аполитик, аолигарх Биӡина Иванишвили инырра ахьдуу, ари Қырҭтәыла Евроеидгылеи Натои рышҟа аинтеграциа ашәарҭа ахьҭаднаргыло” ҳәа арезолиуциа иаламлеит.

Иара убас Украинатәи Рада адепутат Алексеи Гончаренко ахԥатәи аԥсахра мап ацәикит.

«Ассамблеиа агәынамӡара аанарԥшуеит «Атәым нырра аартызаара иазку азакәан»  адкылара ала атәыла адемократиа шьҭахьҟа ишцо. Ари атенденциа иԥсахроуп. Ассамблеиа Қырҭтәыла ахь ааԥхьара ҟанаҵоит атәыла адемократиатә консолидациеи европатәи аинтеграциа нанагӡарц, Европа ахеилак аҟынтә аиуз абжьагарақәа нанагӡарц», — иануп арезилиуциа аҿы.