Европа ачемпионат ахь алхратә матч аҿы Қырҭтәылеи Норвегиеи еиԥылоит - ишиашоу арепортаж Қырҭтәыла Актәи аканал аҿы #1TVSPORT
Иахьа, Осло Европа ачемпионат ахь алхратә матч аҿы Қырҭтәылеи Норвегиеи еиԥылоит. Агәыԥқәы хықәкыс ирымоуп Евро 2024 алхратә А агәыԥ аҿы аҩбатәи аиааира агара.
Аԥшәмацәеи ақырҭуааи 4-4 баллк рымоуп, аха агәыԥ аҿы Норвегиа ахԥатәи аҭыԥ ааннакылоит, Қырҭтәыла – аԥшьбатәи. Испаниа 2 баллк рыла аԥхьагылара амоуп.
Аматч иахьа, цәыббра 12 рзы, Осло „Улеваалтәи “ астадион аҿы қарҭтәи аамҭала асааҭ 22:45 рзы иалагоит. Ишиашоу арепортаж – Қырҭтәыла Актәи аканали Актәи арадиои (102,3) рҿы.