Евроеидгыла ахеилак - Евроеидгыла адәныҟатәи аусқәа рминистрцәеи Илиа Дарчиашвилии иформалым реиҿцәажәарақәа раан Қырҭтәыла европатәи аперспективеи адемократиа арӷәӷәареи рыхцәажәеит
Евроеидгыла ахеилак - Евроеидгыла адәныҟатәи аусқәа рминистрцәеи Илиа Дарчиашвилии иформалым реиҿцәажәарақәа раан Қырҭтәыла европатәи аперспективеи адемократиа арӷәӷәареи рыхцәажәеит

Евроеидгыла адәныҟатәи аусқәа рминистрцәеи Қырҭтәыла Адәныҟатәи аусқәа рминистр Илиа Дарчиашвилии рыбжьара имҩаԥгаз иформалым аиҿцәажәарақәа раан Қырҭтәыла европатәи аперспективеи адемократиа арӷәӷәареи рыхцәажәеит, – иануп Лиуксембург имҩаԥгаз Евроеидгыла адәныҟатәи аусқәа рминистериал иазкны Евроеидгыла ахеилак аланарҵәаз аинформациа аҿы.

Евроеидгыла ахеилак аинформациа ала, адискуссиа аан шьақәырӷәӷәан Қырҭтәыла ашьаҭатә реформақәа рацәаны рҿы апрогресс шамоу, иазгәаҭан азакәан аиҳаӡареи, ауаҩытәыҩса изинқәеи, аихқәеи, атәылауаҩратә уаажәларреи ихьыԥшым аҳәынҭқарратә институтқәа Евроеидгыла алалара зҭаху атәыла цыԥхьаӡа азы ашьаҭатә елементқәа шракәу.

Лиуксембург визитла иҟаз Қырҭтәыла адәныҟатәи аусқәа рминистр Илиа Дарчиашвили Евроеидгыла иалоу 27 ҳәынҭқаррақәа рдәныҟатәи аусқәа рминистрцәа рҽалархәрала имҩаҧгаз Ахеилак аилатәараҿ ҳтәыла евроинтеграциа ишазҿлымҳау даҽазнык ааирԥшит.